МЭНДЧИЛГЭЭ

     Өвөрхангайчууд сүсэгтэн олондоо морилон ирж байгаа төмөр үхэр жилийн сар шинийн мэндийг дэвшүүлэе. Улиран одож буй хулгана жилд дэлхий нийтэд өвчин тахал газар авч манай монгол оронд бүх нийтийн хөл хорио тогтоогоод байгаа энэ үед бид ямар бодолтой байх талаар бурханы шашинтан, лам хүний хувиар хэдэн зүйл хэлье. Энэ хүндхэн цаг үед Монгол улсын засгийн газар, эмнэлэг, цагдаа, онцгой байдал, мэргэжлийн хяналт гээд бүх л салбарынхан маань цаг наргүй ажиллаж байгаа. Бид ч хөл хорионыхоо дэглэмийг мөрдөхийн зэрэгцээ “хөл хорионд байгаа” гээд зүгээр дэмий сууж болохгүй. Сэтгэл зүрхээрээ ч болов тустай, зөв зүйл бодож байхыг уриалж байна. Энэрэл, нигүүлсэлийн сэтгэлтэй хүн өвчин хүрэхгүй, дархлаа сайтай байдаг гэж буддистууд ярьдаг, шинжлэх ухааны эрдэмтэд ч баталжээ. “Энэрэл, нигүүлсэл гэж ярихаар заавал шашинтай холбож ойлгоод үл тоох хандлага байдаг. Шашин шүтлэгтэй холболгүйгээр энэрэл нигүүлсэлийн сэтгэлийг ярьж таниулах хэрэгтэй” гэж Далай багш маань айлдсан. Тэгэхээр шашин шүтдэг, шүтдэггүй хамаагүй ээ. Бусдыг энэрсэн, хайрласан сэтгэлээр дараах бодлуудыг санаж бодож явбал өвчин зовлонтой энэ цагт тун хэрэгтэй. Үүнд: Өвчтэй хүмүүс өвчнөөсөө салаасай гэж багахан зуурт ч болов бодох, өөрийн бие өвдлөө гэхэд миний өвчнөөр бусдын өвчин эдгээсэй гэж бодох, өөрт зовлон тохиолдоход миний зовлонгоор бусдын зовлон арилаасай гэх мэтээр бодоход бидний сэтгэл энэрэл нигүүлсэлд дадлагажиж бас буян их хураана. Олон хүний хураасан буянаар өвчин зовлон амирлахад тустай.                                                                   Ум сайн амгалан болтугай                                                                                                                  Улам сайн жаргалан болтугай

Өвөрхангай аймгийн Ганданпунцоглин хийд

2025.04.04/Баасангараг, Билгийн тооллын 7

Аргын тооллын 4 сарын 4, Сугар гараг. Билгийн тооллын 7, Хэрцгий охин одтой, харагчин туулай өдөр. Өдрийн наран 6 цаг 24 минутад мандан, 19 цаг 26 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Ханш нээх улирал (20ц 54м). Үс шинээр үргээлгэх буюу засуулахад тохиромжгүй.

Холбоо

  • Facebook
  • Лавлах утас: 7732-3399

Гар утасны хувилбар татах